Jagad Nalika Esuk

Nalika rawi taksih sare

Venus dadi parameswarane gegana

Sasangka minangka senthiring wengi

Pangentha-entha jagad dening bimasekti

Kluruk jago saleksa nggugah

Ngalam rindhik-rindhik ngurupake netra

Bedhug adzan nambah obahing lathi

Hawa seger alon nlusup jroning sukma

Guneman sikil minangka pratandha

Manungsa wus tangi saka pati

Tekad nggayuh...

Sumedya panguripan kang begja

Lesung dadi tembange wong desa

Ingkang prakosa ngganyang pacul

Laku mantep...

Giling gumolok hyang basunandra.

Porsenitas Negsago (SMPN 1 Godean) 23 Desember 2006

IX D/24

Hak Cipta dilindungi UU !